“Mövsümdən razıyam, amma...”

“Qalatasaray”ın icarə əsasında “Udineze”də çıxış edən yarımmüdafiəçi Nikolо Zaniolo son oyunlarını şərh edib. 

90deqiqe.Az xəbər verir ki, “Sky Sport Italia” italiyalı futbolçunun dediklərini belə çatdırıb.

“Sezon mənim üçün uğurludur. Son oyunumuzda “Roma”ya uduzduq, amma ilk hissədən sonra şansımız gətirmədi. Ümid edirəm ki, eyni performansı davam etdirəcəyik”

Futbolçu “Roma” fanatları ilə yaşanan gərginliyə də toxunub: “Onları başa düşürəm, çünki necə ayrıldığımızı bilirlər. O qeyd-şərtlər üçün üzr istəyirəm, amma irəliləməliyik. “Roma” güclü komandadır və çempionluq uğrunda sona qədər mübarizə aparacaq”.

İtaliya 2026 Dünya Çempionatı seçmə mərhələsinin son oyunlarına hazırlaşır. Zədələrə baxmayaraq, Zaniolo milliyə çağırılmayıb:

“Çağırılmaq ümidim var idi, dünya çempionatında oynamaq mənim üçün böyük arzu olardı. Daha yaxşı çıxış etməliyəm və bacardığımı göstərməliyəm. Millidə güclü hücumçular var, rəqabət çox yüksəkdir, amma mən çalışmağa davam edəcəyəm. Dünya çempionatına çıxmaq üçün hər şeyimiz var və bunu edəcəyik”.

26 yaşlı futbolçu bu mövsümdə 14 oyunda 4 qol vurub və 1 məhsuldar ötürmə edib.Qalan seçmə oyunlarda İtaliya Moldova və Norveçlə qarşılaşacaq.