"Ançelottinin rəhbərliyi altında hər kəs özünü vacib hiss edirdi"

İtaliyanın “Milan” klubunun sabiq futbolçusu Massimo Ambrozini Karlo Ançelottiylə uzun illər çalışma təcrübəsindən danışıb və məşqçinin peşəkar xüsusiyyətlərini qeyd edib.

90deqiqe.Az xəbər verir ki, "pianetamilan.it" sabiq futbolçunun dediklərini belə çatdırıb.

“Ançelottinin fərqli cəhəti ondan ibarət idi ki, onun rəhbərliyi altında hər bir oyunçu komandada vacib olduğunu hiss edirdi. Onun xüsusi həssaslığı və peşəkarlığı var.”

Qeyd edək ki, Karlo Ançelotti 2001-2008-ci illərdə “Milan”ı çalışdırıb və bu dövrdə klub iki dəfə Çempionlar Liqasını qazanıb. Hazırda o, Braziliya millisinin baş məşqçisidir.