“İnter” səfərdə “Pisa”nı məğlub etdi

İtaliya A Seriyasının 13-cü turunda “Pisa” öz meydanında “İnter”i qəbul edib.

90deqiqe.Az-ın məlumatına görə, “Arena Qaribaldi – Romeo Ankonetani” stadionunda keçirilən görüş Milan təmsilçisinin 2:0 hesablı qələbəsi ilə yekunlaşıb. 

Hesab 69-cu dəqiqədə Lautaro Martines tərəfindən açılıb. 83-cü dəqiqədə argentinalı hücumçu ikinci dəfə fərqlənərək dublunu rəsmiləşdirib.

Bu qarşılaşmadan sonra “Pisa” 10 xalla turnir cədvəlinin 18-ci pilləsində qərarlaşıb. 27 xala malik “İnter” isə A Seriyasında ikinci sıradadır.

Növbəti turda “Pisa” dekabrın 8-də “Parma”nı qəbul edəcək. “İnter” isə dekabrın 6-da öz meydanında “Komo” ilə qarşılaşacaq.