“Leau yeni mövqedə hər kəsi təəccübləndirir”

İtaliyanın “Milan” klubunun sabiq hücumçusu Andrey Şevçenko komandanın mərkəz hücumçusu kimi çıxış etməyə başlayan Rafael Leau barədə fikirlərini bölüşüb.

90deqiqe.Az xəbər verir ki, ukraynalı sabiq futbolçu bu taktiki gedişi uğurlu hesab edir, çünki şənbə günü Leau komandasına növbəti qələbəni qazandırıb.

“Leau yeni mövqedə hər kəsi təəccübləndirir. Allegrinin sürətli hücumlara əsaslanan oyun sistemi ona çox uyğundur. Lakin uyğunlaşması üçün bir az daha zamana ehtiyacı var”, – deyə Şevçenko "pianetamilan.it" saytına açıqlamasında bildirib.

Qeyd edək ki, Rafael Leau “Milan”ın formasını 2019-cu ildən bəridir geyinir.