“Menyan "Milan"da və millidə əla çıxış edir”

İtaliyanın “Milan” klubunun sabiq hücumçusu Andrey Şevçenko qapıçı Mayk Menyanı yüksək qiymətləndirib.

90deqiqe.Az-ın məlumatına görə, sabiq ulduz fransız qapıçının ayaq oyununu xüsusilə vurğulayıb.

“O, hər baxımdan güclüdür, mən onun həm “Milan”, həm də milli komandadakı oyununu sevirəm. Üstəlik, ayaqları ilə də əla oynayır”, – deyə Şevçenko "pianetamilan.it"ə açıqlamasında bildirib.

Qeyd edək ki, Menyan 2021-ci ildən “Milan”ın formasını geyinir. Fransız qapıçı əvvəlki klubu “Lille”dən İtaliya çempionatına transfer olunub və ilk mövsümündə “Milan”la İtaliya çempionu olub. Hazırda klub yenidən Serie A cədvəlinin lideridir.