“Yuventus”da işlər iki-üç ildir plan üzrə getmir”

“Yuventus”un və İtaliya millisinin sabiq yarımmüdafiəçisi Klaudio Markizio Turin klubunda mövcud olan əsas problemlərlə bağlı fikirlərini açıqlayıb.

90deqiqe.Az xəbər verir ki, onun sözlərinə görə, komandanın qurulması prosesi artıq iki-üç ildir plan üzrə getmir:

“Komandanın formalaşdırılması iki-üç ildir düzgün aparılmır. ‘Yuventus’ tarixində neçə dəfə məşqçi mövsümün ilk aylarında istefaya göndərilib? Bəs rəhbərlik nə qədər tez-tez dəyişib?

Rəhbərliklə bağlı problem varmı? Xeyr. Sadəcə hər kəs maksimum səviyyədə çalışmalıdır. Mənə elə gəlir ki, bəzi futbolçular ‘Yuventus’ formasını geyinməyin nə demək olduğunu dərk etmirlər. Conatan Devid meydana çıxır və sadəcə qaçır – amma indiki durumda komandaya tamam başqa münasibət lazımdır. Bu gün azarkeşlərin gördüyü mənzərə budur: bir çoxları özünü tam gücü ilə ortaya qoymur”, – deyə Markizio bildirib.