“Spalletti "Yuventus" üçün ideal baş məşqçidir”

“Yuventus”un və İtaliya millisinin sabiq yarımmüdafiəçisi Klaudio Markizio Turin klubunun baş məşqçi vəzifəsinə Lusiano Spallettinin uyğunluğu ilə bağlı fikirlərini açıqlayıb.

90deqiqe.Az xəbər verir ki, onun sözlərinə görə, Spalletti bu vəzifəyə tam uyğun gəlir:

“Spalletti bu vəzifəyə uyğun gəlirmi? Məncə, bəli, onun dərin biliyi və zəngin təcrübəsi bunu sübut edir. Ona etimad göstərmək lazımdır. Düşünürəm ki, Spalletti çətinliklərlə dolu işi qəbul etməyə hazır olan yeganə şəxs idi.

Mançini? Mənim üçün Spallettinin təyinatı düzgün qərar idi”, – deyə Markizio bildirib.

Hazırda “Yuventus” A Seriyasının turnir cədvəlində 23 xalla yeddinci pillədə qərarlaşıb.