“Roma” Dibala ilə yollarını ayırmağa hazırlaşır

“Roma” klubunun argentinalı hücumçusu Paulo Dibalayla yollarını ayırmaq istəməsinin iki əsas səbəbi bəlli olub.

90deqiqe.Az-ın "La Gazzetta dello Sport"a istinadən məlumatına görə, paytaxt təmsilçisi futbolçunun tez-tez zədələnməsindən, həmçinin baş məşqçi Can Pyero Qasperininin rəhbərliyi altında Dibalayla bağlı məhsuldarlığın aşağı olmasından narazıdır. Argentinalı futbolçu bu mövsüm cəmi üç qol epizodunda iştirak edib: iki qol və bir məhsuldar ötürmə.

Paulo Dibala 2022-ci ilin yayında “Roma”ya transfer olunub. O vaxtdan bəri futbolçu klubla heç bir titul qazana bilməyib. Qeyd edək ki, İtaliya paytaxt klubu artıq təxminən iyirmi ilə yaxındır azarkeşlərini ciddi uğurlarla sevindirə bilmir.