Menyan “Milan”ı tərk etməyəcək

“Milan” qapıçısı Mayk Menyan qış transfer dövründə klubdan ayrılmayacaq.

90deqiqe.Az-ın "Gazzetta dello Sport"a istinadən məlumatına görə, 30 yaşlı qapıçıya təklif gələrsə belə, “rossoneri” onu buraxmaq niyyətində deyil. Lakin klub müqavilənin yenilənməsi məsələsini yubanmaq istəmir və fransalının cavabını fevralın sonunadək gözləyəcək.

Menyan 2021-ci ildən “Milan”da çıxış edir. Cari mövsümdə o, 17 oyunda forma geyinib, 14 qol buraxıb və səkkiz matçda qapısını toxunulmaz saxlayıb. Onun hazırkı müqaviləsi 2026-cı ilin iyununa qədər qüvvədədir. Transfermarkt qiymətləndirməsinə görə, qapıçının bazar dəyəri 25 milyon avrodur.