“Qapıçıların vaxt uzatması futbola zərər verir”

"Roma"nın baş məşqçisi Can Pyero Qasperini qapıçıların oyunu yavaşlatması barədə fikirlərini bölüşüb.

90deqiqe.Az-ın məlumatına görə, mütəxəssis hesab edir ki, belə hallarla futbol mini-futbola çevrilmə riski daşıyır.

“Mənə xoş gəlməyən məqam qapıçıların vaxt uzatmasıdır. Yeni qayda yaxşıdır, amma top qapıçıya yaxın olduqda vəziyyətləri nəzarətdə saxlamaq lazımdır.

«İnter»lə matçda «Komo»da top qapıçının əlinə 51 dəfə keçdi, bu isə azarkeşləri qane etmir. Onlar oyunun irəliyə doğru getməsini, driblinqləri görmək istəyirlər. Risk odur ki, oyun gözəl görünməyən, mini-futbola bənzər hala çevrilə bilər. Biz, futbolu sevənlər kimi, buna qarşı addım atmalı, oyunu irəliyə aparmalıyıq"