“Alleqri fərqli futbol oynadır, amma nəticələri heyrətamizdir”

“Cenoa”nın baş məşqçisi və “Roma”nın sabiq kapitanı Daniyele de Rossi İtaliya A Seriyasının aparıcı klublarında işləyən digər məşqçilərlə müqayisədə Massimiliano Alleqri barədə fikirlərini açıqlayıb.

90deqiqe.Az xəbər verir ki, "fcinter1908.it" çalışdırıcının dediklərini belə çatdırıb.

“Allegri biraz fərqli, özünəməxsus futbol oynadır. Amma mən onun nəticələrini təqlid etmək istərdim. Bəzən məşqçilər çox cazibədar futbol göstərməsələr də, nəticə əldə edirlər. Allegri məhz belə məşqçilərdəndir”

 Qeyd edək ki, hazırda “Milan” A Seriyasının turnir cədvəlində ikinci pillədə qərarlaşıb. Alleqri əvvəllər “Yuventus”da çalışıb.