"Milan" müdafiəsi Silva kimi oyunçuya ehtiyac duyur”

İtaliyanın “Milan” klubunun sabiq müdafiəçisi Filippo Qalli Tyaqo Silva transferinin baş tutmamasından məyusluğunu bildirib.

90deqiqe.Az xəbər verir ki, "La Gazzetta Dello Sport" sabiq futbolçunun dediklərini belə çatdırıb.

“Təəssüf ki, hazırda ‘Milan’ müdafiəsini tam formada adlandırmaq mümkün deyil. Komandada təcrübəli və böhran anlarında keyfiyyətli oyun göstərə biləcək oyunçu çatışmır. Tyaqo Silva kimi bir oyunçu komandaya lazımdır.”

Braziliyalı veteran Avropaya qayıdıb, lakin kifayət qədər gözlənilməz şəkildə “Portu” komandasını seçib.

Qeyd edək ki, hazırda “Milan” İtaliya Seria Anın turnir cədvəlində ikinci pillədə qərarlaşıb.