“Milan” bu mövsüm Skudetto uğrunda mübarizə apara bilər"

“Milan”ın yarımmüdafiəçisi Luka Modriç komandanın çempionluq mübarizəsindəki perspektivləri ilə bağlı fikirlərini bölüşüb.

90deqiqe.Az xəbər verir ki, "Corriere dello Sport" xorvatiyalı futbolçunun dediklərini belə çatdırıb.

“Milan” hər zaman titullar qazanmalıdır. Bu mövsüm Skudetto? Bu mümkündür, lakin qarşıda hələ çox oyun var. Futbolda matç-matç irəliləmək lazımdır”

Qeyd edək ki, İtaliya A Seriyasında 16 turdan sonra “Milan” 35 xalla turnir cədvəlinin ikinci pilləsində qərarlaşıb. Komandanın liderdən geri qalması cəmi bir xaldır.

Massimiliano Alleqrinin rəhbərlik etdiyi kollektiv növbəti turda, yanvarın 2-də səfərdə “Kalyari” ilə üz-üzə gələcək. “Milan” sonuncu dəfə 2022-ci ildə İtaliya çempionu olub.