Messi ilə Ronaldonu müqayisə etdi - “O, böyük ürəyə sahib insandır”

“Milan”ın yarımmüdafiəçisi Luka Modriç “Messi və ya Ronaldo” müqayisəsinə münasibət bildirib.

90deqiqe.Az-ın "Corriere della Sera"ya istinadən məlumatına görə, xorvatiyalı futbolçu keçmiş komanda yoldaşı Kriştiano Ronaldonun xarakterindən söz açıb.

“Bu sualı sevmirəm. Onlar bir futbol erasını formalaşdırıblar. Mənə Kriştianu daha yaxındır, çünki onunla “Real”da oynamışam. O, yalnız möhtəşəm futbolçu deyil, eyni zamanda çox böyük ürəyə sahib insandır. İnsanlar bunu hər zaman bilmirlər, lakin Ronaldo daim kömək etməyə hazırdır və olduqca sadə xarakterə malikdir”

40 yaşlı yarımmüdafiəçi Lionel Messi barədə isə bunları söyləyib:
“Onu insan kimi yaxından tanımıram, lakin şübhəm yoxdur ki, o da çox gözəl insandır. Futbolçu kimi isə qeyri-adidir”.