“Napoli” evdə xal itirdi

İtaliya A Seriyasının 2025/2026 mövsümünün 19-cu turu çərçivəsində keçirilən “Napoli” – “Verona” matçı başa çatıb.

90deqiqe.Az-ın məlumatına görə, Diego Armando Maradona adına stadionunda keçirilən matç 2:2 hesablı bərabərliklə başa çatıb.

Matçın 16-cı dəqiqəsində “Verona”nın danimarkalı müdafiəçisi Martin Freze komandasını hesabda önə çıxarıb. 27-ci dəqiqədə hücumçu Gift Orban penalti zərbəsindən istifadə edərək qonaqların üstünlüyünü artırıb. “Napoli” isə 54-cü dəqiqədə yarımmüdafiəçi Skott Maktominin qoluyla fərqi azaltmağa nail olub. 72-ci dəqiqədə Rasmus Højlundun qolu VAR vasitəsilə ləğv edilib, lakin 82-ci dəqiqədə müdafiəçi Covani Di Lorenzo ev sahiblərini hesabda bərabərlik vəziyyətinə gətirib.

Bu nəticədən sonra “Napoli” 18 oyundan sonra 38 xalla A Seriyasının turnir cədvəlində 3-cü pillədə qərarlaşıb. Lider “İnter”dən (onlar bir oyun az keçirib) geri qalmaları yalnız bir xal təşkil edir. “Verona” isə 13 xalla 18-ci sırada yer alır.