Nkunku “Milan”da qalmaq istəyir

“Milan”ın hücumçusu Kristofer Nkunku növbəti qolundan sonra gələcəyi ilə bağlı yayılan iddialara münasibət bildirib.

 90deqiqe.Az-ın "pianetamilan.it"ə istinadən məlumatına görə, fransalı futbolçu onun “Fənərbağça”ya keçidi ilə bağlı xəbərləri təkzib edib.

 “Burada qalmaq istəyirəm. "Fənərbağça" ilə bağlı bütün söz-söhbətlər spekulyasiyadır”

Daha əvvəl mətbuatda Türkiyə nəhənginin fransalı forvardla maraqlandığı və uzun müddət “Milan”da çətinlik yaşayan oyunçunu transfer etmək istədiyi barədə məlumatlar yayılmışdı.

Qeyd edək ki, Nkunku dekabr ayının sonunda “Verona” ilə matçda dubl edib. “Milan” növbəti oyununu İtaliya çempionatı çərçivəsində “Komo”ya qarşı keçirəcək. Bu qarşılaşma “rossoneri”nin İtaliya Superkubokunda iştirakı səbəbindən təxirə salınmış 16-cı turun oyunu olacaq.