Kriştiano Ronaldo “Yuventus”a qarşı məhkəmədə qələbə qazandı

“Yuventus”un sabiq hücumçusu, hazırda “Əl-Nəsr”də çıxış edən Kriştiano Ronaldo İtaliya klubuna qarşı məhkəməni qazandı.

90deqiqe.Az-ın "Football Italia"ya istinadən məlumata görə, beləliklə, portuqaliyalı futbolçuya ödənilmiş 9,8 milyon avronu geri qaytarmaq “Yuventus”un əlində olmayacaq. 

“Yuventus”un ulduz futbolçuya ödəniş barədə qərara verdiyi apellyasiya rədd edilib. Hakim 2024-cü ilin aprelində arbitraj komissiyası tərəfindən verilmiş qərarı qüvvədə saxlayıb və Ronaldo klubdan ödəniş almaq hüququna malikdir.

Xatırladaq ki, futbolçunun Turin klubu ilə pandemiya dövründə maaşın ödənilməsini təxirə salmaq barədə razılaşması var idi. Lakin “Yuventus” futbolçuya söz verilən məbləği, hətta klubdan ayrılması halında belə, ödəməyib və bu səbəbdən Ronaldo məhkəməyə müraciət edib.

Kriştiano Ronaldo “Yuventus”da 2018-2021-ci illərdə çıxış edib.