“Yuventus” “Milan”ın təklifini rədd etdi

“Yuventus” mərkəz müdafiəçisi Federiko Qattini almaq üçün “Milan”ın etdiyi təklifi rədd edib.

90deqiqe.Az xəbər verir ki, Turin təmsilçisi futbolçunu heyətində saxlamağa maraqlıdır və yalnız “Milan”ın deyil, həmçinin İngiltərə Premyer Liqasından bir neçə klubun sorğusunu da rədd edib.

 27 yaşlı futbolçu hazırda 17-ci pillədə qərarlaşan “Fiorentina” ilə də danışıqlar aparmır.

Federiko Qatti “Bianconeri”də yanvar 2022-ci ildən çıxış edir. Bu mövsümdə o, klub səviyyəsində 14 oyuna çıxıb, 2 qol vurub və 3 sarı vərəqə alıb. Əvvəlki xəbərlərdə onun Ruben Loftus-Çiklə dəyişdirilə biləcəyi barədə məlumatlar yayılmışdı.