“Milan”ın mənə güvəndiyini hiss edirəm"

“Milan”ın hücumçusu Santyaqo Ximenes klub rəhbərliyinin ona etimad göstərdiyinə əmin olduğunu bildirib.

90deqiqe.Az xəbər verir ki, "ESPN Mexico" meksikalı futbolçunun dediklərini belə çatdırıb.

 “Əminəm ki, “Milan”da mənim potensialımı görürlər və buna görə də hələlik imkanlarımı tam göstərə bilməsəm belə, mənə etibar edirlər. Klubun tez-tez məni müdafiə etməsini və tənqidlərdən qorumasını çox yüksək qiymətləndirirəm”

Qeyd edək ki, Ximenes “Milan”a dəqiq bir il əvvəl transfer olunsa da, komandanın oyun sisteminə tam uyğunlaşa bilməyib. Xüsusilə baş məşqçi Massimiliano Alleqrinin rəhbərliyi altında o, əsas heyətdən kənarda qalıb.

“Milan” hazırda İtaliya A Seriyasının turnir cədvəlində ikinci pillədə qərarlaşıb.