İtaliyada daha bir irqçilik

İtaliya A seriyasının IV turu çərçivəsində keçirilən “Atalanta” – “Fiorentina” oyununda fasilə yaranıb.

Corner.az xəbər verir ki, qarşılaşmanın ilk hissəsində “Fiorentina”nın futbolçusu Dalbertin əleyhinə yerli azarkeşlər tərəfində irqçi şüarlar səsləndirilib.

26 yaşlı futbolçu bu haqda görüşün baş hakimi Daniele Orsatoya şikayət etdikdən sonra oyun 3 dəqiqəlik dayandırılıb. Stadionda irqçi davranışların dayandırılmasıyla bağlı anons edildikdən sonra görüş yenidən davam edib.

Bundan əvvəl “Kalyari” – “İnter” matçında Romelu Lukakunun, “Verona” – “Milan” görüşündə isə Frank Kessinin əleyhinə irqçi şüarlar səsləndirilmişdi.

Qeyd edək ki, “Atalanta” – “Fiorentina” oyunu 2:2 hesabıyla başa çatıb.