“Roma”nın futbolçusu nüfuzuna dəyən zərər üçün 100 min avro tələb edir

“Roma”nın oyunçusu Lorenzo Pelleqrini jurnalist Fabrisio Koronaya qarşı Roma məhkəməsində təzminat iddiası qaldırıb.

90deqiqe.Az xəbər verir ki, Korona öz saytında Pelleqrinini təqib etməkdə ittiham edən bir qadının müsahibəsini dərc etmişdi. Aparılan yoxlama zamanı qadının sözlərinin yalan olduğu müəyyən edilib.

Pelleqrini bildirib ki, onun nüfuzuna ciddi zərər dəyib və o, mənəvi zərərin ödənilməsi üçün ən azı 100 min avro təzminat almaq istəyir. Müsahibəni verən qadın da hazırda istintaq altındadır.

Qeyd edək ki, iş üzrə ilkin məhkəmə iclası 17 mart tarixinə təyin edilib.