“Makkenni “Yuventus” üçün önəmli futbolçudur”

“Yuventus”un baş məşqçisi Luçano Spalletti yarımmüdafiəçi Ueston Makkenninin performansı barədə fikirlərini bölüşüb.

90deqiqe.Az xəbər verir ki, "Sky Sport" təcrübəli çalışdırıcının dediklərini belə çatdırıb.

“Makkenni komanda üçün vacib oyunçudur. O, daim pozitivdir və gördüyü işdən zövq alır. Düşünürəm ki, burada özünü çox yaxşı hiss edir”.

Qeyd edək ki, mətbuatda 27 yaşlı futbolçunun “Yuventus”la müqaviləni uzatmağa yaxın olduğu barədə məlumatlar yayılıb. Onun Turin klubu ilə mövcud sözləşməsi altı aydan sonra başa çatacaq.

Ueston Makkenni cari mövsümdə bütün turnirlərdə 29 oyuna çıxıb, 5 qol vurub və 4 assist edib.