Dumfrisin “İnter”ə qayıdış vaxtı məlum oldu

“İnter”in müdafiəçisi Denzel Dumfrisin yaşıl meydanlara qayıdacağı tarix bəlli olub.

 90deqiqe.Az-ın məlumatına görə, niderlandlı futbolçu iki həftə ərzində komandanın ümumi məşqlərinə qoşulmalıdır.  Dumfris fevralın 22-də “Leççe”yə qarşı keçiriləcək matçda meydana qayıda bilər.

Futbolçunun fevralın 15-də “Yuventus”la oyunun iştirak ərizəsinə salınması mümkündür, lakin onun həmin görüşdə meydana çıxması ehtimalı azdır.

28 yaşlı müdafiəçi cari mövsümdə bütün turnirlərdə 15 oyunda iştirak edib, 3 qol vurub və 1 məhsuldar ötürmə ilə yadda qalıb.

Xatırladaq ki, “İnter” yanvarın 28-də UEFA Çempionlar Liqasının ümumi mərhələsinin son turunda Dortmund “Borussiya”sı ilə qarşılaşacaq. Görüş Bakı vaxtı ilə saat 23:00-da başlayacaq.