“Komandam yaxşı oyun göstərdi, amma...”

“Latsio”nun baş məşqçisi Mauritsio Sarri “Yuventus” ilə oyunda komandasının çıxışını müsbət qiymətləndirib.

90deqiqe.Az xəbər verir ki, mütəxəssis bu barədə jurnalistlərə açıqlamasında deyib.

“Əvvəlcədən də aydın idi ki, ‘Yuventus’ geri qayıda bilər. Fiziki olaraq onlar bizdən güclü idilər və topu daim cərimə meydançasına gətirirdilər. 2:1 hesabı zamanı üçüncü qolu vura bilməməyimiz çox təəssüf doğurdu, əla fürsət idi. Komanda göstərdi ki, biz asanlıqla təslim olmuruq. Mübarizə aparırıq”

Qeyd edək ki, "rimlilər" 2:0 hesabı ilə öndə olsalar da, bu üstünlüyü qoruyub saxlaya bilməyib və nəticədə bir xalla kifayətləniblər.

Hazırda “Latsio” İtaliya çempionatının turnir cədvəlində 8-ci pillədə qərarlaşıb.