“Atalanta”nın aparıcı futbolçusu zədələnib

“Atalanta”nın cari mövsümdə ən yaxşı oyunçularından biri olan Şarl de Ketelare məşq zamanı zədə alıb.

90deqiqe.Az-ın məlumatına görə, bu barədə klubun mətbuat xidməti məlumat yayıb. Bildirilib ki, futbolçu bir müddət komandasına kömək edə bilməyəcək. Dəqiq olan odur ki, de Ketelare fevralın 14-də “Latsio”ya qarşı keçiriləcək A Seriyası matçını buraxacaq.

Onun nə qədər müddətə sıradan çıxdığı hələlik açıqlanmayıb. “Atalanta” zədənin detalları ilə bağlı əlavə məlumat verməyib.

Qeyd edək ki, Berqamo təmsilçisi hazırda İtaliya A Seriyasının turnir cədvəlində yeddinci pillədə qərarlaşıb. Şarl de Ketelare 2023-cü ildən “Atalanta”nın formasını geyinir. O, “Milan”da keçirdiyi uğursuz mövsümdən sonra bu komandaya transfer olunub və cari mövsümdə uğurlu çıxışı ilə diqqət çəkir.