“Milan”ın sabiq futbolçusu Çexiya klubuna keçir

İtaliyanın “Milan” klubunun sabiq futbolçusu Mattia De Şilyo karyerasını Çexiyada davam etdirməyə hazırlaşır.

90deqiqe.Az-ın məlumata görə, təcrübəli müdafiəçi ölkə çempionatında çıxış edən “Hradec Kralove” klubu ilə müqavilə imzalamağa yaxındır. O, hazırda ənənəvi tibbi müayinədən keçmək üçün Kralove şəhərindədir. 

De Şilyo uzun illər “Milan”ın formasını geyinsə də, 2017-ci ildə klubdan ayrılıb. Ötən mövsüm o, “Empoli”nin şərəfini qoruyub. Lakin komanda A Seriyasını tərk etdikdən sonra futbolçu ilə yollar ayrılıb.

33 yaşlı müdafiəçi indi karyerasının son dönəminə yeni səhifə açmağa hazırlaşır.