“Messi, yoxsa Ronaldo” sualına cavab verdi - Dibala

"Roma"nın futbolçusu Paulo Dibala həm Lionel Messi həm də Kriştiano Ronaldo ilə eyni komandada çıxış edib və illərdir futbol ictimaiyyətini maraqlandıran “kim daha güclüdür?” sualına münasibət bildirib.

90deqiqe.Az xəbər verir ki, "La Gazzetta dello Sport" argentinalı futbolçunun dediklərini belə çatdırıb.

 “Texniki baxımdan Messi və Ronaldo fərqlidirlər, lakin mental cəhətdən çox bənzəyirlər. Hər ikisinin inanılmaz rəqabət ruhu var – onlar daim qalib gəlmək istəyirlər. Texniki keyfiyyətləri fərqli olsa da, hər ikisi əsl döyüşçüdür”

Qeyd edək ki, Lionel Messi karyerası ərzində səkkiz dəfə “Qızıl top” mükafatını qazanıb. Kriştiano Ronaldo isə beş dəfə bu mükafata layiq görülüb.

Hazırda Messi "İnter Mayami", Ronaldo isə "Əl-Nəsr" klubunda çıxış edir.