"Ronaldo və Messi eyni komandada oynamamalıdırlar"

İtaliya millisinin keçmiş futbolçusu Cüzeppe Rossi Kriştiano Ronaldo və Lionel Messini eyni komandada görmək istəmədiyini etiraf edib.

90deqiqe.Az xəbər verir ki, "Al Nassr Zone" sabiq futbolçunun dediklərini belə çatdırıb.

"Ronaldo və Messini eyni komandada görmək istəmirəm. Bu qəribə olardı. Əgər Ronaldo MLS-ə getmək istəsə, onu Floridadakı başqa bir komandaya - Orlando Sitiyə göndərə bilərsinizmi? Heç olmasa bu şəkildə onların rəqabətini izləmək maraqlı olardı"

Daha əvvəl portuqaliyalı futbolçunun "Əl-Nəsr"dən argentinalı rəqibinin 2023-cü ildən etibarən orada oynayacağı "İnter Mayami"yə keçməsi ilə bağlı xəbərlər yayılmışdı.  

Kriştiano Ronaldonun "Əl-Nəsr"lə müqaviləsi 2027-ci ilin yayına qədərdir.