"İtaliya futbolu 90-cı illərdə ilişib qalıb"

Serbiyalı yarımmüdafiəçi Nemanya Matiç İtaliya futbolunun hazırkı vəziyyəti ilə bağlı fikirlərini bölüşüb.

90deqiqe.Az xəbər verir ki, "gazzetta.it" təcrübəli futbolçunun dediklərini belə çatdırıb.

"İtaliya futbolu 90-cı illərdə ilişib qalıb. Əsas problem gənclər akademiyaları ilə bağlıdır. Mən bunu oğlumla görmüşəm. İngiltərə və Fransada gənclərin inkişaf proqramları oyundan qabaqdadır. Onlar driblinqi öyrədir, texnikanı inkişaf etdirir və düzgün həll yollarını taparkən əyləncəni təşviq edir"

Milli komanda 2020-ci il Avropa Çempionatını qazansa da, son iki Dünya Kubokunu buraxıb.37 yaşlı Matiç əvvəllər "Benfika", "Çelsi", "Mançester Yunayted" və bir neçə digər tanınmış klubda oynayıb. Hazırda o, İtaliyanın "Sassuolo" klubunu təmsil edir.