"Napoli"dən çətin qələbə

İtaliya A Seriyasının 29-cu turunun "Napoli" və "Leççe" komandalarının qarşılaşdığı oyun başa çatıb.

90deqiqe.Az-ın məlumatına görə, Neapol şəhərindəki "Dieqo Armandо Maradona" stadionunda keçirilən görüşü baş hakim Rozario Abisso idarə edib. Matç meydan sahiblərinin 2:1 hesablı qələbəsi ilə yekunlaşıb.

Matç meydan sahiblərinin 2:1 hesablı qələbəsi ilə yekunlaşıb. “Leççe”nin müdafiəçisi Camil Zibert matçın 3-cü dəqiqəsində hesabı açsa da, fasilədən dərhal sonra, 46-cı dəqiqədə Rasmus Hoylund bərabərlik qolunu vurub. 67-ci dəqiqədə Matteo Politano meydan sahiblərini önə çıxarıb və qələbəni təmin edib.

Bu nəticədən sonra “Napoli” 59 xalla turnir cədvəlində üçüncü pilləyə yüksəlib, “Leççe” isə 27 xalla 16-cı sırada qərarlaşıb.

Növbəti turda “Napoli” səfərdə “Fiorentina” ilə qarşılaşacaq, “Leççe” isə evdə “Sassuolo”nu qəbul edəcək.