"Modriç əsl təvazökarlıq nümunəsidir"

“Latsio”un baş məşqçisi Maurisio Sarri “Milan”ın yarımmüdafiəçisi Luka Modriç barədə fikirlərini açıqlayıb.

90deqiqe.Az xəbər verir ki, çalışdırıcı hesab edir ki, xorvatiyalı futbolçu öz dövrünün ən böyük oyunçularından biridir.

 “Modriç həqiqi təvazökarlıq nümunəsidir. Bu yaşında oyun üçün tam fədakarlıq göstərir və bunu inanılmaz həvəslə edir. O, həm hücumda, həm də müdafiədə həmişə maksimumu verən oyunçu təsiri bağışlayır”.

40 yaşlı Modriç 2025-ci ilin yayında “Milan”a qoşulub. Cari mövsümdə yarımmüdafiəçi 30 oyunda iştirak edib, iki qol vurub və üç məhsuldar ötürmə edib.