“Milan” səfərdə “Latsio”ya uduzdu

İtaliya A Seriyasının 29-cu turunda “Latsio” və “Milan” qarşılaşıb.

90deqiqe.Az xəbər verir ki,  görüş “Olimpiko” stadionunda keçirilib və baş hakim rolunu Marko Quida icra edib.

Matç ev sahiblərinin minimal hesablı qələbəsi ilə başa çatıb – 1:0. Yeganə qol 26-cı dəqiqədə Qustav Isaksen tərəfindən vurulub. Hücumçu ilk yarıda fərqlənərək komandası üçün önəmli xal qazandırıb.

29 oyundan sonra “Latsio” 40 xalla turnir cədvəlində 9-cu pillədədir. “Milan” isə 60 xalla ikinci yerdə qərarlaşıb.

Növbəti turda Roma klubu 22 mart tarixində “Bolonya” ilə üz-üzə gələcək, “qırmızı-qara”lar isə 21 martda “Torino” ilə qarşılaşacaq.