"Milan"dan çətin qələbə

İtaliya A Seriyasının 30-cu turunda "Milan" doğma meydanda "Torino" ilə qarşılaşıb.

90deqiqe.Az xəbər verir ki, “San Siro” stadionunda baş tutan görüş meydan sahiblərinin 3:2 hesablı qələbəsi ilə yekunlaşıb.

Matçda hesabı 37-ci dəqiqədə Strahinya Pavloviç açıb. Lakin qonaqlar tezliklə cavab veriblər – 44-cü dəqiqədə Covanni Simeone tarazlığı bərpa edib.

İkinci hissədə “Milan” üstünlüyü ələ alıb. 54-cü dəqiqədə Adrien Rabyo komandasını önə keçirib, iki dəqiqə sonra isə Yussuf Fofana fərqi artırıb.

85-ci dəqiqədə Nikola Vlaşiç penaltidən dəqiq zərbə ilə hesab arasındakı fərqi azaltsa da, bu qol “Torino”nu məğlubiyyətdən xilas etməyib.

Bu nəticədən sonra “Milan” xallarının sayını 63-ə çatdıraraq turnir cədvəlində ikinci pillədə qərarlaşıb. Komanda lider "İnter"dən 5 xal geri qalır.