“Milan” Ançelotti dövründəki nailiyyəti təkrarladı

İtaliya A Seriyasının 30-cu turunda “Milan” evdə "Torino" üzərində 3:2 hesablı qələbə qazanıb.

90deqiqe.Az "Opta"ya istinadən xəbər verir ki, komandanın qələbəsində Strahinya Pavloviç, Adrien Rabyo və Yussuf Fofanain dəqiq zərbələri rol oynayıb.

 “Rossoneri” 30 turdan sonra yalnız üç dəfə məğlub olub – bu, 2004/05 mövsümündən sonra ilk dəfədir ki, belə nəticə qeydə alınır. O zaman komandaya Karlo Ançelotti rəhbərlik edirdi.

Hazırkı mövsümdə “Milan” 18 qələbə, 9 heç-heçə və yalnız 3 məğlubiyyətlə turnir cədvəlində 63 xalla ikinci pillədə qərarlaşıb. Lider İnter isə hələ 30-cu tur oyununu keçirməyib və “Milan”dan 5 xal öndədir.