“İnter” müdafiəçisini itirdi

“İnter"in mərkəz müdafiəçisi Yann-Orel Bissek yaxın oyunlarda komandasına kömək edə bilməyəcək.

90deqiqe.Az "Sky Italia"ya istinadən xəbər verir ki, almaniyalı futbolçuda sağ budun arxa əzələlərində yüngül dartılma aşkarlanıb.

Əzələ zədəsi səbəbindən Bissek A seriyasının 31-ci turunda “Roma”ya qarşı keçiriləcək oyunu buraxacaq. Müdafiəçinin 32-ci turda “Komo” ilə qarşılaşmada da iştirak etməmək ehtimalı var.

Qeyd edək ki, Bissek 2023-cü ilin yayından “İnter”də çıxış edir. O, cari mövsümdə komandanın heyətində 30 oyuna çıxıb, 2 qol vurub və 3 məhsuldar ötürmə ilə yadda qalıb.