- İtaliya S.A.
- 01:05 10.05.2026
“Yuventus” klubunun cinah hücumçusu Jeremi Boqa İtaliya A Seriyasında mart ayının ən yaxşı futbolçusu seçilib.
90deqiqe.Az-ın məlumatına görə, bu barədə A Seriyasının mətbuat xidməti turnirin rəsmi saytına istinadən məlumat yayıb.
Fil Dişi Sahilindən olan forvard mükafat uğrunda mübarizədə “Udineze”nin üzvü Kinan Devis, “Komo”nun oyunçusu Anastasios Duvikos, “Torino”dan Covanni Simeone, “Roma”dan Evan N’Dika və “Milan”dan Strahinya Pavloviçi qabaqlayıb.
Qeyd edək ki, Boqa ötən ay keçirdiyi dörd qarşılaşmada üç dəfə fərqlənib.
Xatırladaq ki, 29 yaşlı futbolçu 2026-cı ilin qış transfer pəncərəsində icarə əsasında “Yuventus”a qoşulub. Mövsümün sonunda onun Fransanın “Nitsa” klubuna qayıdacağı gözlənilir.
