“Milan"dan ayrılmıram”

İtaliyanın "Milan" klubunun baş məşqçisi Massimiliano Alleqri İtaliya milli komandasına rəhbərlik edə biləcəyi ilə bağlı yayılan xəbərlərə münasibət bildirib.

90deqiqe.Az xəbər verir ki, mütəxəssis milli komanda ilə bağlı fikirlərini belə ifadə edib:

“İtaliya millisində çox yaxşı futbolçular var. Komandanın gələcəyi ümidvericidir. Mən "Milan" ilə işə yeni başlamışam və hazırda əsas məqsədim bu klubla Çempionlar Liqasına vəsiqə qazanmaqdır. Mən "Milan"da qalıram. Milli komanda üçün isə əsas məsələ 2034-cü ilə qədər görüləcək işlərdir”.

Qeyd edək ki, İtaliya milli futbol komandası 2026-cı il dünya çempionatına vəsiqə qazana bilməyib. İtaliya yığması son dəfə 2014-cü ildə dünya çempionatında iştirak edib və həmin turnirdə qrup mərhələsini keçə bilməyərək üçüncü yeri tutub.