“Yuventus”dan inamlı qələbə

İtaliya A Seriyasının 31-ci turu çərçivəsində “Yuventus” klubu ilə “Cenoa” arasında keçirilən oyun başa çatıb.

90deqiqe.Az xəbər verir ki, görüşdə 2:0 hesablı qələbəni Turin təmsilçisi qazanıb.

Matç “Alyans” stadionunda baş tutub. Qarşılaşmanı baş hakim Davide Massa idarə edib.

Oyunun 4-cü dəqiqəsində Bremer hesabı açaraq “Yuventus”u önə keçirib. 17-ci dəqiqədə Ueston Makkenni fərqi artıraraq komandasının üstünlüyünü möhkəmləndirib. Qarşılaşmanın 75-ci dəqiqəsində isə qonaq komandanın futbolçusu Aaron Martin təyin olunan onbir metrlik cərimə zərbəsindən yararlana bilməyib.

Bu nəticədən sonra “Yuventus” 57 xalla turnir cədvəlinin beşinci pilləsində qərarlaşıb. “Cenoa” isə 33 xalla 14-cü sırada yer alır.