“Napoli” rəhbərliyi Lukakunun klubda qalmamasına münasibət bildirib

"Napoli"nin idman direktoru Covanni Manna komandanın hücumçusu Romelu Lukakunun kluba qayıtmaqdan imtina etməsi ilə bağlı vəziyyətə münasibət bildirib.

90deqiqe.Az xəbər verir ki, jurnalist Fabrisio Romano idman direktorunun dediklərini belə çatdırıb.

"Romelu biz ondan xahiş etdikdə qayıtmamaq qərarına gəldi və zədəsini qiymətləndirmək üçün Belçikada qaldı. Klub həmişə birinci yerdə olmalıdır. Biz müvafiq tədbirləri görəcəyik".

Əvvəllər bildirilirdi ki, belçikalı hücumçu milli komandanın düşərgəsini tərk edib və şəxsi məşqçi ilə fərdi məşqlərə başlayıb. Bu mövsüm Lukaku Napoli üçün bütün yarışlarda yeddi oyunda meydana çıxıb və bir qol vurub. Hücumçu yayda aldığı zədə səbəbindən mövsümün böyük bir hissəsini buraxıb.