“Bunu aylardır deyirdim”

“Yuventus”un futbol strategiyası üzrə direktoru Corco Kyellini baş məşqçi Luçano Spaletti ilə müqavilənin uzadılmasını şərh edib.

90deqiqe.Az xəbər verir ki, jurnalist Nikolo Şkira Kyellinin dediklərini belə çatdırıb.

“Spaletti ilə müqavilənin uzadılması? İndi mənə inanırsınız! Bunu aylardır deyirdim. Biz məmnunuq. Bu, yaxşı gedən prosesin məntiqi nəticəsi idi, amma əvvəlcədən tam zəmanətli deyildi”.

Qeyd edək ki, aprelin 10-da “Yuventus” Luçano Spaletti ilə müqavilənin uzadıldığını rəsmən açıqlayıb. Yeni anlaşmaya əsasən, italiyalı mütəxəssis 30 iyun 2028-ci ilə qədər Turin klubuna rəhbərlik edəcək.

Spaletti 2025-ci ilin payızında “Yuventus”un baş məşqçisi təyin olunub və əvvəlcə mövsümün sonuna qədər müqavilə imzalamışdı.