“Roma” 7 oyunçu ilə yolları ayırır

İtaliyanın “Roma” klubu heyətində ciddi dəyişikliklərə hazırlaşır.

90deqiqe.Az-ın "Corriere dello Sport"a istinadən məlumatına görə, klub rəhbərliyi gələn mövsüm komandanı kimin çalışdıracağından asılı olmayaraq, kollektivdə genişmiqyaslı yenilənmə aparmağı planlaşdırır.

Artıq yayda klubdan ayrılacağı dəqiq hesab edilən 7 futbolçunun siyahısı hazırlanıb. Həmin oyunçular Artom Dovbik, Stefan El-Şaaravi, Brayan Saragoza, Lorenzo Venturino, Evan Ferqyuson, Kostas Tsimikas və Zeki Çelikkdir.

Bununla yanaşı, Paulo Dibala, Devayn Renş, Anxelino və Lorenzo Pelleqrininin gələcəyi də qeyri-müəyyən olaraq qalır.

Maliyyə qaydalarına uyğunlaşmaq üçün klubun Kvadio Kone və Evan Ndikanı da satışa çıxara biləcəyi bildirilir. Qeyd olunur ki, bu futbolçulara böyük maraq var.