“Leao mental olaraq yoxdursa, bu fəlakətdir”

İtaliya A Seriyasının sabiq futbolçusu, braziliyalı Hernanes portuqaliyalı Rafael Leaonun oyununu tənqid edib.

90deqiqe.Az “pianetamilan.it”ə istinadən xəbər verir ki, o, “Milan”ın “Udineze”yə 0:3 hesabı ilə məğlub olduğu qarşılaşmadan sonra Leao əleyhinə səslənən fitlərin haqlı olduğunu bildirib.

 “Onu haqlı olaraq fitlə qarşıladılar. O, meydanda olanda yaxşı şeylər edir, amma mental olaraq oyundan uzaqlaşanda bu, fəlakət olur. Ondan daha çoxu gözlənilir”, – deyə o bildirib. 

Hazırda “Milan” İtaliya çempionatının turnir cədvəlində 3-cü yerdə qərarlaşıb. Rafael Leao isə 2019-cu ildən “Milan”ın formasını geyinir.