“Milan” zədəli Modriçin son vəziyyətini açıqladı

“Milan” klubu yarımmüdafiəçi Luka Modriçin vəziyyəti ilə bağlı məlumat yayıb.

90deqiqe.Az-ın klubun mətbuat xidmətinə istinadən məlumatına görə, Xorvatiya millisinin futbolçusu bazar ertəsi Milanda yerləşən klinikada əməliyyat olunub. 40 yaşlı oyunçuya sol yanaq sümüyünün çoxqırıq sınığı səbəbindən cərrahi müdaxilə edilib.

Klubun açıqlamasında qeyd olunub: “Klub Luka Modriçə dünya çempionatından əvvəl tezliklə sağalmasını arzulayır”.

Daha əvvəl Modriçin bu mövsüm “Milan”ın heyətində bir daha meydana çıxmayacağı bildirilmişdi. Bununla belə, futbolçunun dünya çempionatına qədər tam hazır olması gözlənilir.

Hazırda “Milan” İtaliya A Seriyası turnir cədvəlində üçüncü pillədə qərarlaşıb.