Antonio Konte “Napoli”də qala bilər

Antonio Konte növbəti mövsümdə də “Napoli”nin baş məşqçisi vəzifəsində qala bilər.

90deqiqe.Az-ın məlumatına görə, Neapol klubu mütəxəssisi komandada saxlamağa çalışacaq. Konte ilə “Napoli” prezidenti Aurelio De Laurentis arasında görüşün may ayının sonunadək baş tutacağı bildirilir.

Mövcud müqavilənin müddəti 2027-ci ilin yayına qədərdir, baş məşqçinin illik maaşı isə 8 milyon avro təşkil edir.

Hazırda “Napoli” 36 turdan sonra topladığı 70 xalla İtaliya A Seriyasının turnir cədvəlində ikinci pillədə qərarlaşıb.

Antonio Konte 2024-cü ildə Neapol klubuna baş məşqçi təyin olunub. Onun rəhbərliyi altında komanda A Seriyasının və İtaliya Superkubokunun qalibi olub.