“Napoli”də Konte sonrası namizədlər bəlli oldu

 Antonio Konte iki mövsümlük əməkdaşlıqdan sonra “Napoli”ni tərk edəcək.

90deqiqe.Az-ın “calcionapoli1926.it”ə istinadən məlumatına görə, bu müddətin ilk mövsümündə klub İtaliya çempionatının qalibi olub.

Neapol təmsilçisinin prezidenti Aurelio De Laurentiis artıq Konteyə əvəzləyəcək üç namizədi müəyyənləşdirib.

İlk namizəd əvvəlki mərhələlərdə də adı hallanan Mauritsio Sarridir. Daha sonra İtaliya futbol ictimaiyyətinin fikrincə, uzun müddətdir top-klubda işləməyə layiq olan Vinçenzo İtalyano gəlir. Nəhayət, cari mövsümdə dəyəri xeyli artan Fabio Qrosso da “Napoli”nin mümkün baş məşqçi variantları arasında göstərilir.