Antonio Konte mövsümün sonunda “Napoli”dən ayrılacaq

“Napoli”nin baş məşqçisi Antonio Konte mövsüm başa çatdıqdan sonra vəzifəsini tərk edəcək.

90deqiqe.Az xəbər verir ki, italiyalı mütəxəssis bu qərarı artıq verib və bir ay əvvəl klub prezidenti Aurelio De Laurentisə də bildirib. Konte heç bir təzminat almadan və digər klublarla əvvəlcədən razılaşma olmadan “Napoli”dən ayrılacaq.

56 yaşlı mütəxəssis 2024-cü ilin yayından Neapol təmsilçisinə rəhbərlik edir. Onun rəhbərliyi altında “Napoli” 2024/2025 mövsümündə İtaliya çempionu olub.

Cari mövsümün başa çatmasına bir tur qalmış “Napoli” 73 xalla turnir cədvəlində ikinci yerdə qərarlaşıb.