Dibala “Roma” ilə yeni müqavilə imzalayır

Argentina millisinin hücumçusu Paulo Dibala “Roma” ilə yeni əmək müqaviləsi imzalayacaq.

90deqiqe.Az “La Gazzetta dello Sport”a istinadən xəbər verir ki, 32 yaşlı futbolçu danışıqlar zamanı ciddi maliyyə güzəştinə getməli olub. Belə ki, onun maaşı demək olar ki, dörd dəfə azaldılacaq (8 milyon avrodan 2–2,5 milyon avroya qədər). 

Qeyd olunur ki, “Roma” Dibalanın müqaviləsinin uzadıldığını artıq mayın 25-də rəsmi şəkildə açıqlaya bilər.

Cari mövsümdə hücumçu bütün turnirlərdə 26 oyunda iştirak edib, 3 qol və 6 məhsuldar ötürmə ilə yadda qalıb.

A Seriyasında bir tur qalmış “Roma” turnir cədvəlində 70 xalla 4-cü pillədə qərarlaşıb.