“Atalanta” yeni loqosunu təqdim etdi

İtaliyanın Berqamo şəhərini təmsil edən “Atalanta” futbol klubu loqosunu dəyişib.

90deqiqe.Az-ın məlumatına görə, klubun əvvəlki oval emblemi ləğv olunaraq, yeni loqo dairəvi formada təqdim edilib. Emblemin mərkəzində isə dəyişməz olaraq uzun saçlı qadın fiquru — “La Dea” (İlahə) yer alır.

Yeni loqonun əsas prinsipi “sadələşdirmə”dir — yəni mərkəzi fiqurun daha qabarıq görünməsi üçün artıq elementlərin çıxarılması.

Bildirilir ki, “La Dea”nın saçları yenidən işlənib və beş hörükdən ibarət formaya salınıb. Bu detal 1907-ci ildə klubu yaradan beş təsisçiyə ehtiram kimi təqdim olunur.

Fon tamamilə mavi rəngdədir və qara dairə ilə əhatələnib.

Qeyd edək ki, “Atalanta” A Seriyasının cari mövsümünü 58 xalla 7-ci pillədə başa vurur və 8-ci yer ilə aralarındakı xal fərqi 3-dür.