“İnter” mövsümü heç-heçə ilə başa vurub

A Seriyasının 2025/2026 mövsümünün 38-ci — son turunda “Bolonya” evdə “İnter”i qəbul edib.

90deqiqe.Az xəbər verir ki, qarşılaşma Bolonyadakı “Renato Dall’Ara” stadionunda keçirilib. Baş hakim funksiyasını Kevin Bonachina yerinə yetirib. Görüş 3:3 hesablı heç-heçə ilə başa çatıb.

Matçda ilk qolu 22-ci dəqiqədə “İnter”in müdafiəçisi Federiko Dimarko vurub. 25-ci dəqiqədə “Bolonya”nın hücumçusu Federiko Bernardeski hesabı bərabərləşdirib. 42-ci dəqiqədə Tommazo Pobega ev sahiblərini önə keçirib. İkinci hissədə 48-ci dəqiqədə “İnter”in yarımmüdafiəçisi Pyotr Zelinski avtoqol müəllifi olub. 64-cü dəqiqədə qonaqların hücumçusu Françesko Espozito fərqi azaldıb. 87-ci dəqiqədə isə Andi Diuf hesabı bərabərləşdirib.

Bu nəticədən sonra “Bolonya” 56 xalla 38 oyunla turnir cədvəlinin 8-ci pilləsində qərarlaşıb. Çempionluğunu öncədən təmin etmiş “İnter” isə 87 xalla birinci yeri tutub.