Ralf Ranqnik “Milan”a yenidən “yox” dedi

Almaniyalı mütəxəssis Ralf Ranqnik İtaliyanın “Milan” klubunun təklifini qəbul etməyib.  

90deqiqe.Az xəbər verir ki, "derbyderbyderby.it" çalışdırıcının dediklərini belə çatdırıb.

“İlk danışıqlar təxminən üç həftə əvvəl baş tutdu. Mən dərhal bildirdim ki, “Milan”da sabitlik və aydınlıq istəyirəm. Bu, həm mənim üçün, həm də hazırkı işəgötürənlərim üçün vacibdir. Lakin “Milan” tərəfi ilə heç bir aydınlıq yox idi”, - deyə Ranqnik bildirib.

Bu, tərəflərin 2020-ci ildə də razılığa gələ bilməməsindən sonra yenidən baş verib — həmin vaxt da “Milan” Ranqniki komandaya dəvət etmişdi.

 Ötən mövsümü “Milan” İtaliya A Seriyasında turnir cədvəlində beşinci pillədə başa vurub.